I ixtisas qrupunun abituriyentləri, tələsməyin!
02 iyul 2010 15:00 (UTC +04:00)

I ixtisas qrupunun abituriyentləri, tələsməyin!

I ixtisas qrupu üzrə imtahanlar Bakı ilə yanaşı, Sumqayıt, Gəncə və Naxçıvanda da keçiriləcək.


Lent.az-ın məlumatına görə, bu barədə Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında deyib.


Onun sözlərinə görə, iyulun 4-də III ixtisas qrupu üzrə keçiriləcək imtahanlar isə yalnız Bakı, Sumqayıt və Naxçıvanda keçiriləcək. Bu ixtisas qrupu üzrə imtahanların Gəncədə keçirilməməsinə səbəb birinci mərhələdə bu imtahanların Gəncədə keçirilməsinə tələbatın olmaması ilə bağlıdır.


Məleykə Abbaszadə I ixtisas qrupuna sənəd vermiş abituriyentlərə tələsməməyi məsləhət görüb. Onun sözlərinə görə, həmin abituriyentlərin imtahana buraxılış vərəqəsi sabah və ya birisi gün elan olunacaq. Bundan sonra məlum olacaq ki, I ixtisas qrupuna sənəd vermiş abituriyentlərdən hansıları Bakıda və ya Gəncədə imtahan verəcək.


TQDK sədri onu da qeyd edib ki, hər bir ixtisas qrupu üzrə imtahanlardan 3 gün sonra imtahanın nəticələri elan olunacaq.

Elxan SALAHOV
# 390

Oxşar yazılar