“Səhliyalı”nın məhsullarında bağırsaq çöplərinin miqdarı normadan çoxdur
08 iyun 2010 19:45 (UTC +04:00)

“Səhliyalı”nın məhsullarında bağırsaq çöplərinin miqdarı normadan çoxdur

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən “Səhliyalı” kiçik müəssisəsində araşdırmaları davam etdirir.

Nazirliyin mətbuat xidmətindən Lent.az-a bildiriblər ki, araşdırmalar zamanı xammal kimi istifadə olunan Ukrayna istehsalı “Voloqodskiy” nişanlı qarışıq yağın, habelə müəssisədə istehsal edilən “Halal qarışıq kərə yağı”nın, dovğanın, xamanın, ayranın, qatığın və pendirin tərkibində bağırsaq çöplərinin yol verilən həddən artıq olduğu aşkarlanıb. Bundan başqa, müəssisədə istehsal olunan ət məhsullarının qablaşdırılmasında və bükülməsində istifadə olunan köməkçi materialların uyğunluq sertifikatının olmadığı da müəyyən edilib.

Müəssisədə aşkarlanmış qanun pozuntuları ilə əlaqədar ət və süd məhsulları istehsalının dayandırılması və bu məhsulların ticarət şəbəkəsindən yığılması barədə “Səhliyalı” kiçik müəssisəsinə icrası məcburi göstəriş verilib, müəssisə barəsində antiinhisar qanunvericiliyinin pozulması əlamətləri üzrə iş qaldırılıb.

Elxan SALAHOV
# 344

Oxşar yazılar