“Quru su” yaradıldı! - FOTO

Lent.az-ın Türkiyənin “Hürriyet” qəzetinə istinadən verdiyi məlumata görə, “quru su” kəşf olunub. “Quru su”yun əslində 95 faizi islaq sudan ibarətdir. Sadəcə, suyu formalaşdıran damlacıqlar silika qumu ilə qapanaraq normal suyu “quru su”ya çevrir. Alimlər “quru su”nun karbondioksidi normal sudan üç dəfə daha yaxşı zərərsizləşdirdiyi qənaətindədirlər.

Bəs insanlar “quru su” içə biləcəklərmi? Bu sualın cavabı hələ dəqiq açıqlanmayıb. Ancaq bu sudan dərman və yemək bişirilməsi zamanı istifadə edilməsinin mümkün olduğu birmənalıdır. Alimlər “quru su” növünün karbon qazını soraraq qlobal istiləşməyə qarşı mübarizədə fayda verəcəyinə əmindirlər. “Quru su” həm də metan qazını özündə saxlayır və təbii qazın enerji kimi istifadə edilmə potensialını artırır.

“Quru su”dan istifadə enerjiyə qənaətə də ciddi dəstək verəcək. Tonlarla suyun bir yerdən başqa yerə daşınmasına gərək qalmayacaq. Pudra şəkəri şəklində olan “quru su” daşımaq daha asan olacaq və çox yer tutmayacaq.