Elşad Abdullayev daha bir video yaydı

Fəaliyyəti dayandırılmış Azərbaycan Beynəlxalq Universitetinin (ABU) rektoru Elşad Abdullayev yeni video yayıb. Lent.az-ın məlumatına görə, hazırda Fransada yaşayan E.Abdullayevin “Azadlıq TV”-yə göndərdiyi video kadrlarda sabiq rektorun oğurlandığı iddia olunan qardaşı Mahir Abdullayevlə bağlı söhbət yer alıb. Söhbətdə sabiq rektorun özü, qardaşı Elsəvər Abdullayev, prezidentin mühafizə xidmətinin əməkdaşları olduğu bildirilən Natiq Babaşov və Sahib adlı şəxsin söhbəti görüntülənir. E.Abdullayev söhbət zamanı Sahib adlı şəxsə Seyid deyə müraciət edir.

Söhbət zamanı M.Abdullayevin E.Abdullayevlə necə əlaqə saxlaya biləcəyi müzakirə olunur.