Yunanıstan prezidenti Azərbaycana apreldə gələcək

Yunanıstanın Azərbaycandakı səfirliyindən APA-ya verilən məlumata görə, səfər prezident İlham Əliyevin dəvəti ilə həyata keçiriləcək, Azərbaycan prezidentinin 2009-cu il fevralın 16-18-də Yunanıstana rəsmi səfərinə cavab xarakteri daşıyır. K. Papulyasın səfəri çərçivəsində Azərbaycan-Yunanıstan biznes-forumunun keçirilməsi də nəzərdə tutulur. Səfər çərçivəsində bir sıra sənədlərin imzalanması planlaşdırılır. Sənədlər nəqliyyat, ətraf mühit, və s. sahələri əhatə edir. K. Papulyas Bakı Slavyan Universitetində olacaq, orada fəaliyyət göstərən Yunan dili və mədəniyyəti Mərkəzi ilə tanış olacaq, müəllim və tələbə heyəti ilə görüşəcək.

Prezidentin səfərindən öncə - fevralın 2-də isə Bakıda Azərbaycan-Yunanıstan hökumətlərarası komissiyasının iclası keçiriləcək.

Qeyd edək ki, iclas ötən il noyabrın 26-da keçirilmə idi, lakin texniki səbəbdən təxirə salınıb. İclasın sonunda yekun protokolu imzalanacaq.