Azərbaycan və Latviya prezidentləri görüşüblər
17 yanvar 2011 15:01 (UTC +04:00)

Azərbaycan və Latviya prezidentləri görüşüblər

APA-nın Latviya prezidentinin rəsmi saytına istinadən məlumatına görə, ilk öncə prezident İlham Əliyev və xanımı Mehriban Əliyevanın Riqa qəsri qarşısında rəsmi qarşılanma mərasimi keçirilib. Sonra iki ölkənin prezidentləri arasında əvvəlcə təkbətək, sonra isə nümayəndə heyətlərinin iştirakı ilə görüş keçirilib.

Prezidentlər Azərbaycanla Latviya arasında sənədlərin imzalanması mərasimində, birgə mətbuat konfransında və Azadlıq Abidəsinin önünə güllərin qoyulması mərasimində iştirak ediblər.
Günortadan sonra Latviya prezidenti və xanımı Lilita Zatlers prezident İlham Əliyev və xanım Mehriban Əliyevanın şərəfinə rəsmi nahar verəcəklər. Prezidentlər həmçinin Latviya-Azərbaycan biznes-forumunun açılışında iştirak edəcəklər.

Səfərin yekununda Latviya prezidenti və onun xanımı Azərbaycan prezidenti və xanımının şərəfinə rəsmi şam yeməyi verəcəklər.
1 2 3 4 5 İDMAN XƏBƏRLƏRİ
# 611

Oxşar yazılar