Azərbaycan prezidenti kapitan Əhməd Abdullayevi “İgidliyə görə” medalı ilə təltif etdi
28 dekabr 2010 19:28 (UTC +04:00)

Azərbaycan prezidenti kapitan Əhməd Abdullayevi “İgidliyə görə” medalı ilə təltif etdi

Prezidentin mətbuat xidmətindən APA-ya verilən məlumata görə, kapitan Əhməd Hüseynağa oğlu Abdullayev Azərbaycan Respublikasının ərazi bütövlüyünün qorunub saxlanılmasında igidlik göstərdiyinə “İgidliyə görə” medalı ilə təltif olunub (ölümündən sonra).

Qeyd edək ki, kapitan Əhməd Abdullayev sentyabrın 4-də cəbhənin Tərtər rayonunun Çiləbürt kəndi yaxınlığında gedən döyüşlərdə şəhid olub. Həmin gün Ermənistan Silahlı Qüvvələrinin qəfil hücumu nəticəsində döyüş təmas xəttində durum gərginləşib. Atışma zamanı bir döyüşçümüz, 1986-cı il təvəllüdlü Fərid Gülağa oğlu Əhmədov ermənilərə yaxın təmas xəttində şəhid olub. Onun meyitini götürmək mümkün olmayıb. Atışma zamanı Azərbaycan Ordusunun zabiti, 1976-cı il təvəllüdlü Əhməd Abdullayev yaralanıb. Hospitala çatdırılan zabit orada dünyasını dəyişib. O, doğulduğu Cəlilabad rayonunda dəfn edilib.
# 467

Oxşar yazılar