“Dağlıq Qarabağ: Statussuz status”

Bu gün “Atlas” Araşdırmalar Mərkəzinin rəhbəri, Azərbaycan Avrointeqrasiya Milli İctimai Komitəsinin üzvü Elxan Şahinoğlunun “Dağlıq Qarabağ: Statussuz status” kitabının təqdimatı keçirilib. Lent.az-ın verdiyi məlumata görə, müəllif kitabda dünyada mövcud olan 10 muxtariyyət təcrübəsini təhlil edib.

Elxan Şahinoğlunun dünyada mövcud olan muxtar modellər haqqında ilkin yazıları müxtəlif vaxtlarda Lent.az-da da yayımlanıb. Müəllif təhqiqat nəticəsində Avropa, Amerika və Asiya qitələrini əhatə edən fərqli muxtariyyət modellərinin ana xəttinin eyni olduğu qənaətinə gəlir. Başqa sözlə, ilkin illərdəki separatçılıq, müstəqillik tələbləri, ardınca az və ya çox sayda terror aktları və ən sonda birgə yaşamanın verdiyi üstünlüklərə qayıdış bu modellərin ana xəttidir.

Kitab Azərbaycan Avrointeqrasiya Milli İctimai Komitəsinin maliyyə dəstəyi ilə çap olunub. Kitabdan konfliktoloqlar, Dağlıq Qarabağ münaqişəsinin həlli mövzusunu işıqlandıran jurnalistlər və tələbələr istifadə edə bilərlər.