Sağlam qalmaq üçün işdə necə yemək lazımdır?

Sağlamlıq üzrə mütəxəssis Svetlana Fus fit və sağlam qalmağın yollarını açıqlayıb.

Lent.az xarici mətbuata istinadən xəbər verir ki, mütəxəssisin fikrincə, ekstremal vegan pəhrizlərdən qaçınmaq lazımdır, çünki onlar zərərli ola bilər.

Onun sözlərinə görə, bunun əvəzinə çay, qəhvə və enerji içkiləri istehlakını normallaşdırmalısınız:

“Şəkərli içkilərin həddindən artıq istehlakı qidadan dəmir və kalsiumun udulmasını poza bilər. Bundan əlavə, ofisdə hazırlanan isti içkilər çox vaxt həddindən artıq miqdarda şəkər ehtiva edir. Yeməklər arasında düzgün fasilələr saxlanmalıdır.

Vitamin və mineral çatışmamazlıqlarının qarşısını almaq üçün iş yerində nahar yeməyi müxtəlif olmalıdır. Yeməklərinizə mövsümi tərəvəzlər əlavə etmək şərtdir. “Fast food”ların həddindən artıq istehlakı şəkərli diabetin inkişafına, maddələr mübadiləsinin pozulmasına və artıq çəkiyə səbəb ola bilər. Şirniyyatların həddindən artıq istehlakı zehni performansı yaxşılaşdırmır, əksinə, balanssız qidalanma performansı azalda bilər. Buna görə şirniyyat və peçenyeləri giləmeyvə və ya quru meyvələrlə əvəz etmək daha yaxşıdır”.