Son vaxtlar insanlar əvvəlcədən uzun-uzadı razılaşmalar tələb etməyən, daha sadə və sərbəst dostluqlar üçün darıxdıqlarını daha çox etiraf edirlər. Söhbət yaxın insanın qəfil bir fincan çay içməyə gəlməsindən, qəhvə içməyi təklif etməsindən və ya hər dəqiqəni söhbətlə doldurmağa çalışmadan sadəcə bir neçə saat yanında olmasından gedir. Belə dostluq forması üçün hətta xüsusi ad da yaranıb - “doorbell friend”, yəni “sadəcə qapını döyüb gələ bilən dost”.
Lent.az xarici mediaya istinadən xəbər verir ki, söhbət görüşü əvvəlcədən dəqiqləşdirməyə, uzun yazışmalar aparmağa və onun gəlişindən əvvəl evi ideal vəziyyətə gətirməyə ehtiyac olmayan insandan gedir.
Psixoloqlar hesab edirlər ki, belə sərbəst və rahat yaxınlıq emosional vəziyyətə müsbət təsir göstərə, gərginliyin öhdəsindən gəlməyə kömək edə və müasir dövrdə xüsusilə dəyərli olan başqa insanla bağlılıq hissini gücləndirə bilər.
“Sadəcə qapını döyüb gələn dost” kimdir?
Psixoloqların sözlərinə görə, burada əsas məsələ görüşlərin və ya mesajların sayı deyil. Daha vacib olan qarşılıqlı etibar və psixoloji təhlükəsizlik hissidir. Belə dost sadəcə “Bir ara görüşək” deməklə kifayətlənmir, rahatlıqla “Yaxınlıqda idim, gəlib sənə baş çəkmək istədim” deyə bilər.
Onun yanında ideal həyat görüntüsü yaratmağa ehtiyac qalmır. Belə dost gəlməzdən əvvəl evi təcili yığışdırmaq, tam süfrə hazırlamaq və ya xüsusi əyləncə proqramı düşünmək lazım deyil.
Psixoterapevtlər qeyd edir ki, həqiqi yaxınlıq iki insana sadəcə divanda oturmaq, çay içmək, danışmaq və ya hətta susmaq imkanı verir və bu zaman heç kim özünü narahat hiss etmir.
Bu münasibətlərin əsas xüsusiyyətlərindən biri də budur: insan özünü qəbul olunmuş hiss etmək üçün ideal olmaq məcburiyyətində qalmır. Bununla belə, belə bir etibar səviyyəsi adətən dərhal yaranmır. O, qarşılıqlı dəstək, etibarlılıq və bir-birinin həyatında davamlı iştirak sayəsində zamanla formalaşır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
