Alina Kabayeva şəxsi həyatından DANIŞDI: Nələr dedi?

Məşhur fiqurlu konkisürən, mütləq dünya çempionu Alina Kabayeva 1983-cü il mayın 12-də Daşkənddə idmançı ailəsində anadan olub. Zəhmətkeşliyi, ən yaxşı məşqçilər və fiziki qabiliyyətlər onu məşhur idmançı edib.

Lent.az xarici mediaya istinadən xəbər verir ki, dopinq qalmaqalı, Olimpiadada birincilik əvəzinə üçüncü yer və onu yaşı - bütün bunlar Alinanın idmanı tərk etməsinə səbəb olub. Ancaq ictimaiyyətin gözündən kənarda qalmayıb.

Alina fotosessiyada iştirak edib, filmlərdə rol alıb, teleaparıcı olub. Sonra siyasətə qatılıb. Və onun bu yeni məşğuliyyəti prezidentlə sevgi münasibəti ilə bağlı şayiələrə səbəb olub.

2008-ci ildə Kabayeva və Putinin birgə fotosu ortaya çıxıb, burada prezident idmançıya idmandakı nailiyyətlərinə görə mükafat təqdim edir. Tezliklə məşhur bir nəşr Putin və Kabayevanın evləndiyi barədə məlumat dərc edib. Vladimir Vladimiroviç bu xəbəri təkzib edərək deyib ki, bunda həqiqət əlaməti yoxdur və bir müddət sonra qəzet qazanc gətirmədiyi bəhanəsi ilə bağlanıb.

Ramzan Kadırov Putinin keçmiş həyat yoldaşı Lyudmilanı ad günü münasibətilə təbrik edəndə onu “birinci həyat yoldaşı” adlandırıb. Bu cür sözlərdən sonra Putinin ikinci həyat yoldaşının olması ilə bağlı fikirlər daha geniş yayılıb.

2013-cü ildə, Lyudmila və Vladimir Putinin boşanmasından qısa müddət sonra mətbuatda Kabayeva ilə prezidentin Valdaydakı bir monastırda evləndiyi barədə məlumatlar ortaya çıxıb. Sonra təkzib olunub.

2015-ci ildə Avropa nəşrlərinin birində Kabayevanın İsveçrə klinikalarından birində oğlan uşağı dünyaya gətirdiyi yazılıb. Bu xəbərə heç bir təkzib verilməyib.

Sonra Alina və Vladimir Putinin uşaqları haqqında yazmağa başlayıblar. Prezidentin uşaqlıqdakı fotosuna çox bənzəyən bir oğlan da olub. Alinanın qızı haqqında yazılıb. Bu xəbər Kabayevanın uzun müddət görünməməsi ilə əlaqədar idi. 2019-cu ilin may ayında Kabayevanın Moskva doğum evində əkiz uşaq dünyaya gətirdiyi xəbəri də yayılıb.

Alina Kabayevanın özü bu yaxınlarda mətbuata danışıb və uşaqlar və hamiləlik haqqında bütün məlumatları tamamilə təkzib edib. Alinanın sözlərinə görə, o, evli deyil, idmançının övladı da yoxdur.