Ac keçi dəstəsi şəhərdə terror törətdi

Uelsin kiçik dənizkənarı şəhərinin sakinləri vəhşi kaşmir keçi sürüsünün işğalının qurbanı olublar.

Lent.az-ın xarici mətbuata istinadla məlumatına görə, sahibsiz vəhşi keçi sürüsü Llandudno şəhərində dəhşət yaradıb: onlar dükanların dayanacaqlarında döyüşür, çiçəklər, bitkilər və hedcinqlər yedikləri evlərə və bağlara girirlər. Eyni zamanda, ac heyvanlar qanunvericiliyin özəlliklərinə görə heç bir ərazi ilə məhdudlaşdırıla bilməz, şəhər rəhbərliyi isə fəaliyyətsizdir.

Rəsmilər şəhər sakinlərindən davamlı olaraq şikayətlər alır, lakin onlar cavab verirlər ki, əmlakın mühafizəsi rəhbərliyin problemi deyil, mülkiyyətçilərin vəzifəsidir.

Uzun müddətdir ki, şəhərin yaxınlığında kaşmir keçiləri yaşayır. Bir vaxtlar kiçik sürü kraliça Viktoriyadan lord Mostinə hədiyyə olub. Ancaq XX əsrin əvvəllərində keçilər vəhşiləşiblər. Sürü şəhərin şimalındakı böyük əhəngdaşı burnu olan Böyük Ormedə otlayıb.

“Llandudno keçi populyasiyası heç bir fərdin və ya təşkilatın məsuliyyəti deyil. Onlar kiminsə mülkü ola bilər, o halda ki, kiminsə ərazisində, dəqiq sərhədləri ilə saxlanılır. Keçilər vəhşi heyvanlar olduğundan, sədlər quraraq sürünün Böyük Ormedə olmasına nəzarət etmək şəhər hökumətinin vəzifəsi deyil”, - Llandidno şəhər administrasiyasından bildirilib.

Keçilər bu vaxt şəhərdə özünü evdəki kimi hiss edir. Kameralardan qorxmurlar, yolda gəzirlər. Bir keçi otelə yerləşib, 25 heyvandan ibarət bir qrup nahar zamanı qocalar evinin girişində bir qəlyanaltı ümidi ilə düzülüb.