Türkiyəli məşhur şoumen Mehmet Ali Erbil yol qəzasına uğrayıb.
Lent.az xarici mətbuata istinadən xəbər verir ki, o, gecə saatlarında evinə gedərkən yük maşını ilə toqquşub. Əldə olunan məlumatlara görə, yanlış yola çıxan avtomobil geri qayıtmaq istəyərkən arxadan gələn yük maşını ilə toqquşub.
Mehmet Ali Erbilin qəza zamanı qabırğaları sınıb. Qəzaya səbəb olduğu iddia edilən yük maşının sürücüsü isə hadisə yerindən qaçıb.
Məşhur şoumen hadisə ilə bağlı sosial şəbəkədə paylaşım edib:
"Allaha şükür təhlükəsizlik kəmərim taxılı idi. Maşından düşəndə təhlükəsizlik kəmərinin sıxıldığını və qabırğalarımın əzildiyini anladım".
Xatırladaq ki, Mehmet Ali Erbil uzun müddətdir tibbdə nadir rast gəlinən "qaçış sindromu" xəstəliyindən əziyyət çəkir.
Qeyd edək ki, o, 4 il əvvəl yaşadığı evin hamam otağında yıxılaraq ağır bədən xəsarətləri almışdı. Qabırğaların sınması nəticəsində zədələnən ağciyərlər daxili qanaxmaya səbəb olmuşdu.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
