Abşeronda DƏHŞƏTLİ CİNAYƏT: kişi arvadını öldürdü-YENİLƏNİB

Arvadını qəsdən öldürməkdə şübhəli bilinən şəxs tutulub.

Bu barədə Lent.az-a Abşeron rayon prokurorluğundan məlumat verilib.

Aprelin 28-də saat 21 radələrində Abşeron rayonu, Xırdalan şəhəri ərazisində 1976-cı il təvəllüdlü Sevinc Əhmədağayevanın öldürülməsi barədə rayon prokurorluğuna məlumat daxil olub.

Araşdırma zamanı 1974-cü il təvəllüdlü Laçın Əhmədağayevin yaşadıqları evdə arvadı Sevinc Əhmədağayevaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Laçın Əhmədağayev prokurorluğun qərarı ilə iş üzrə şübhəli şəxs qismində tutulub.

Hazırda ibtidai istintaq davam edir.

***

28 aprel

23:13

Aprelin 28-də saat 22:30-də Abşeron rayonu ərazisində 48 yaşlı Ağayeva Sevincin kəsilmiş-deşilmiş xəsarətlərdən ölməsi barədə polisə məlumat daxil olub.

Daxili İşlər Nazirliyinin mətbuat xidmətindən Lent.az-a bildirilib ki, cinayət əməlini törətməkdə şübhəli bilinən S.Ağayevin həyat yoldaşı Laçın Ağayev saxlanılıb.

Faktla bağlı araşdırma aparılır.