Amerikalılar Avropanı fəth etdi

DÇ-2018 yaxınlaşdıqca milli komandalar yoldaşlıq oyunlarında güclərini sınayırlar. Apasport.az saytının məlumatına görə, mundialda oynayacaq komandalarla yanaşı Rusiyaya getməyəcək millilər də görüşlər keçiriblər.

Maraqlıdı ki, bu matçlarda Amerika qitəsini təmsil edən komandaların uğurlu çıxışı diqqət mərkəzinə düşüb. Cümə və şənbə günü keçirilən oyunlarda 4-ü DÇ-də yarışıacaq, 2-si isə mundialdan kənarda qalan 6 Amerika komandası avropalı rəqibləri ilə üz-üzə gəliblər ki, bütün oyunlarda “köhnə qitə” təmsilçiləri məğlubiyyətlə barışmalı olublar.

Ən çox diqqət çəkən oyun Parisdə olub. Fransa ilk 20 dəqiqəsində 2:0 hesabı önə keçdiyi oyunda Kolumbiyaya məğlub olub – 2:3.

Argentina isə Mançesterdə Aquero və Messinin yoxluğunda İtaliyanı məyus edib – 2:0.

ABŞ-ın Mayami şəhərində keçirilən oyunda Peru Xorvatiyanı məğlubiyyətlə yola salıb – 2:0.

Dünya çempionatının əsas favoritlərindən olan Braziliya Neymarsız heyətlə mundialın ev sahibi Rusiyaya heç bir şans verməyib – 3:0.

Dünya Kubokunda yarışacaq digər Amerika təmsilçilərindən Kosta Rika Şotlandiyanı (1:0), Uruqvay isə Çexiyanı (2:0) məğlub edib.