Braziliyalı hücumçu Neymar Fransanın PSJ klubunda oynamağı davam etdirməyə qərar verib.
Lent.az-ın xarici mediaya istinadla verdiyi xəbərə görə, Braziliya millisinin 28 yaşlı futbolçusu 2022-ci ilin yayına qədər olan müqaviləsini uzatmaq istəyir. Tərəflər bununla bağlı danışıqlara başlayıb.
Neymar 2017-ci ildə Paris klubuna “Barselona”dan 222 milyon avroya keçib. O, PSJ-nin heyətində bu mövsüm 22 oyunda iştirak edib, 9 qol vurub, 5 məhsuldar ötürmə verib.