"Mançester Yunayted"in kapitanı Bruno Fernandeş mövsümün sonunda klubu tərk etməyə hazırdır.
Lent.az-ın xarici mediaya istinadən xəbərinə görə, mayın 25-də “Mançester Siti” ilə keçiriləcək İngiltərə Kubokunun final oyunuı 29 yaşlı portuqaliyalı üçün təkcə “Mançester Yunayted” üçün deyil, həm də Premyer Liqada sonuncu ola bilər.
Fernandeş 2020-ci ilin yanvarında 65 milyon avroya "Sportinq"dən "Mançester Yunayted"ə keçib və o vaxtdan bəri "Qırmızı şeytanlar"ın ən davamlı oyunçusu olub.
Bruno “Mançester Yunayted”in heyətində 230 oyunda 79 qol vurub və 64 məhsuldar ötürmə edib. Fernandesin “Mançester Yunayted”lə müqaviləsi 2026-cı ilin yayına kimi nəzərdə tutulub, lakin portuqaliyalının havanın daha isti və tələblərin daha aşağı olduğu başqa liqada qüvvəsini sınamağa hazır olduğu barədə xəbərlər yayılıb.
Səudiyyə Ərəbistanının varlı klubları da daxil olmaqla, Fernandeş üçün təklif qıtlığı olmamalıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
