Kraliça II Yelizavetanın azarkeşlik etdiyi klub AÇIQLANDI

Kral ailəsinin üzvlərinin adları zaman-zaman bəzi ingilis klubları ilə əlaqələndirilib. Kral ailəsinin bəzi üzvləri azarkeşlik etdiyi komandanı açıqlayıb, bəziləri isə susdu.

Lent.az-ın xarici mediaya istinadla xəbərinə görə, sentyabrın 8-də dünyasını dəyişən və ölümü İngiltərəni şoka salan kraliça II Yelizavetanın simpatiyası olan klub bəlli olub.

“Arsenal”, “Çelsi” və “Vest Hem” İngiltərə kral ailəsi ilə adları ən çox çəkilən klublardır. Kraliça II Yelizavetanın vəfatı ilə İngiltərə futbol dünyası sosial media hesablarını qaradıb və başsağlığı mesajları yayıb.

Kral III Çarlz “Bernli” tərəfdarıdır

Kral ailəsi və futbol yenidən gündəmə gəlib. Xəbərə görə, 2012-ci ildə kral III Çarlzın bir xeyriyyə tədbirində “Bernli” tərəfdarı olduğu məlum olub. Klubu niyə dəstəklədiyini soruşduqda, Çarlz belə cavab verib: "Bernli” çox çətin dövrlərdən keçib və mən dünyanın bu bölgəsində özünə inamı bərpa etmək və artırmaq yollarını tapmağa çalışıram". Daha sonra “Bernli” klubu III Çarlza mövsüm üçün VIP bilet verib.

“Aston Villa”lı şahzadə

Kembric hersoqu şahzadə Uilyam futbolla ən çox bağlı olan kral ailəsinin üzvlərindən biridir. “Aston Villa” azarkeşi olan şahzadə Uilyam kiçik yaşlarından bu komandanın bir çox oyununu tribunadan izləyib.

2006-cı ildə FA prezidenti olan Uilyam İngiltərə millisi ilə əlaqələri olan “St George's Park” milli futbol mərkəzini açıb. Kembric hersoginyası Kate Middleton “Çelsi” azarkeşidir. İştirak etdiyi bir tədbirdə o, London klubuna sadiq olduğunu açıqlamışdı.

"Kral ailəsinin çoxu “Arsenal” azarkeşidir

Şahzadə Harri İngiltərə millisinin oyunlarında və ya kubok üzrə keçirilən finallarda stadionlarda olub, lakin hansısa kluba bağlılığı barədə susub. O, bir neçə il əvvəl Vellinqtonda keçirilən tədbirdə kral ailəsinin əksəriyyətinin “Arsenal” azarkeşləri olduğunu açıqlamışdı.

Kraliça II Yelizaveta “Vest Hem”li idi

Digər kral ailə üzvlərindən fərqli olaraq, lraliça II Yelizavetanın hansı komandanı dəstəklədiyi açıqlanmayıb. Onun “Vest Hem”ə rəğbət bəslədiyi barədə şayiələr yayılıb. 2009-cu ildə “The Mirror” yaydığı xəbərdə kraliçanın, bir ailə üzvünün ona “Millwall” fanatı olduğunu söylədikdən sonra o, həm də “Vest Hem”in fanatı olduğunu açıqlamışdı.

Digər tərəfdən, kraliçanın 2007-ci ildə “Arsenal”ın “Emirates” stadionunu açması planlaşdırılırdı. Lakin II Yelizaveta əvəzində komandanın oyunçularını Bukinqem Sarayına dəvət edib. “Arsenal”ın oyunçuları bütün günü sarayı və dövlət idarələrini gəzmişdilər.

Ronaldonun imzalı formasını istəmişdi

Ötən mövsüm Kriştiano Ronaldo 12 ildən sonra yenidən "Mançester Yunayted"ə qayıdıb və II Yelizaveta buna biganə qalmayıb. Britaniya mediası kraliçanın özü və kral ailəsi üçün Kriştianodan 80 imzalı forma tələb etdiyini açıqlamışdı.