Zərdab sakinindən yarım kilo marixuana aşkarlanıb

Zərdab rayonunda narkotik istifadəçisi saxlanılıb. APA – nın yerli bürosunun məlumatına görə, rayon polis şöbəsinin əməkdaşlarının keçirdiyi əməliyyat – axtarış tədbirləri nəticəsində rayonun Bıçaqçı kənd sakini 55 yaşlı Tarverdi Mirzəyev saxlanılıb. Baxış zamanı onun üzərindən və evindən ümumilikdə 460 qr qurudulmuş marixuana götürülüb.

Təqsirləndirilən T. Mirzəyev 3 ilə yaxındır ki, bu işlə məşğul olduğunu və tutduğu əməlindən peşman olduğunu etiraf edib.

Faktla bağlı Zərdab Rayon Polis şöbəsində cinayət işi başlanıb, araşdırma aparılır.