Yanğın daha bir ailəni evsiz qoydu

Şəkidə yanğın hadisəsi qeydə alınıb. Lent.az-ın FHN-in saytına istinadən verdiyi xəbərə görə, yanğın rayonun Cəyirli kəndində vətəndaşa məxsus ümumi sahəsi 20 kv.m olan birmərtəbəli 2 otaqlı evdə baş verib. Nəticədə evin yanar konstruksiyaları, ev əşyaları və evə bitişik ümumi sahəsi 10 kv.m olan talvarın yanar konstruksiyaları yanıb. Tövlənin qalan hissəsi yanğından mühafizə olunub. Yanğın saat 04:05-də yanğınsöndürənlər tərəfindən söndürülüb.