Vəkil olmaq istəyənlər üçün növbəti imtahanın vaxtı bilindi

Namizədlərin sənəd qəbulu Vəkillər Kollegiyası tərəfindən aparılıb. İmtahanda iştirak etmək üçün 245 nəfər qeydiyyatdan keçib.

Lent.az-ın məlumatına görə, saat 11:00-dan başlayaraq 3 saat davam edən imtahan kompüter vasitəsilə elektron qaydada aparılacaq.

İmtahan bitdikdən sonra namizədə nəticələri haqqında arayış təqdim olunacaq.

Namizədlər imtahana şəxsiyyəti təsdiq edən sənədin əslini gətirməlidirlər. İmtahanda namizədlərə qanunvericilik sahəsi üzrə 100 test tapşırığı təqdim olunacaq.

Suallara verilən hər düzgün cavab bir balla qiymətləndirilir. Səhv cavablar düz cavabların nəticəsinə təsir göstərmir. Ümumi bаlı 60 və dаhа аrtıq оlаn nаmizədlər növbəti mərhələyə burахılacaqlar.

Vəkillər Kollegiyasına qəbul imtahanı Bakı şəhəri, Abdulvahab Salamzadə küçəsi, 28-də (keçmiş Bakı Asiya Universitetinin binası) keçiriləcək.