Bakı-Sumqayıt yolunun Xırdalan şəhəri ərazisində piyadanın ölümü ilə nəticələn ağır yol-nəqliyyat hadisəsi baş verib.
Lent.az AZƏRTAC-a istinadla bildirir ki, Abşeron rayon Polis İdarəsindən verilən məlumata görə, qəza zamanı taksi fəaliyyəti ilə məşğul olan "Daewoo Gentra" markalı minik avtomobilinin sürücüsü idarəetməni itirərək, piyada, 26 yaşlı Vəliyev Ülvi Mehdi oğlunu vurub.
Yaralı ağır vəziyyətdə xəstəxanaya yerləşdirilib. Ona hər iki ayağın sınığı, qapalı kəllə-beyin travması diaqnozu qoyulub. Həkimlərin səylərinə baxmayaraq, o xəstəxanada ölüb.
Faktla bağlı Abşeron rayon Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
