Sumqayıtda yanğın: 15 nəfər təxliyə olunub

SSumqayıt Paralimpiya İdman Kompleksində yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın ümumi sahəsi 9000 kv.m olan üçmərtəbəli inzibati binada baş verib. Nəticədə binanın 2-ci mərtəbəsinin yataq otağında 1 ədəd kondisioner və 2 ədəd əlil arabası yanıb. Yanğınsöndürənlər tərəfindən 15 nəfər təxliyə olunub. İnzibati binanın qalan hissəsi yanğından mühafizə olunub. Yanğın saat 20:07-də yanğınsöndürənlər tərəfindən söndürülüb.