Şəmkirdə bıçaqlanma

APA-nın qərb bürosunun verdiyi məlumata görə, Şəmkir şəhər sakini 1990-cı il təvəllüdlü Zirəddin Zirəddinzadə döş qəfəsinin kəsilmiş-deşilmiş yarası xəsarəti ilə Şəmkir Mərkəzi rayon xəstəxanasına yerləşdirilib. Dərhal əməliyyat edilən gəncin vəziyyəti orta ağır qiymətləndirilir.

Onun kim tərəfindən və harda bıçaqlandığı hələ ki, məlum deyil.

Faktla bağlı Şəmkir rayon Polis Şöbəsində araşdırma aparılır.