Qaradağda iki maşın yandı

Bakıda iki yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakının Qaradağ rayonunda vətəndaşa məxsus "VAZ" markalı minik avtomobilinin yanar hissələri yanıb. Yaxınlıqdakı tikililər yanğından mühafizə olunub.

Bundan əvvəl paytaxtın Qaradağ rayonunda daha bir yanğın hadisəsi qeydə alınıb. Yanğın "Mercedes" markalı yük avtomobilində baş verib. Nəticədə avtomobilin yanar hissələri yanıb. Yaxınlıqdakı elektrik dirəyi yanğından mühafizə olunub.