İtaliyanın Toskana şəhərində baş tutan kikboksinqin WKA versiyası üzrə dünya çempionatında iştirak edən idmançılarımız vətənə qayıdıb. APA TV-nin məlumatına görə, idmançılarımızı Heydər Əliyev adına Hava Limanında yaxınları və idmançı dostları qarşılayıblar. 72 ölkənin 8700 idmançısının iştirak etdiyi yarışlarda ölkəmizi 3 federasiya təmsil edib.
Yarışda iştirak edən idmançımız Eduard Məmmədov kikboksinq üzrə 20-ci dəfə dünya çempionu adına layiq görülüb. O, braziliyalı, ispan və finalda isə ukraynalı rəqiblərinə qalib gələrək növbəti çempionluğunu əldə edib.
Qarşılama mərasimində iştirak edənlər sonda qalib idmançılarımızla xatirə şəkli çəkdiriblər. Daha sonra müxtəlif şüarlar səsləndirərək onları evlərinə yola salıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
