Prezident bəstəkar Musa Mirzəyevin vəfatı ilə əlaqədar başsağlığı verib
29 yanvar 2016 17:30 (UTC +04:00)

Prezident bəstəkar Musa Mirzəyevin vəfatı ilə əlaqədar başsağlığı verib

Azərbaycanın dövlət və hökumət rəsmiləri, mədəniyyət xadimləri tanınmış bəstəkar Musa (Əli Musa) Abdulla oğlu Mirzəyevin vəfatı ilə əlaqədar başsağlığı veriblər.

APA-nın məlumatına görə, başsağlığında deyilir:

 

Azərbaycanın mədəni ictimaiyyətinə ağır itki üz verib. Tanınmış bəstəkar, Azərbaycan Respublikası Prezidentinin fərdi təqaüdçüsü, xalq artisti, professor Musa (Əli Musa) Abdulla oğlu Mirzəyev 2016-cı il yanvar ayının 29-da ömrünün 84-cü ilində vəfat edib. 

 

Musa Mirzəyev 1933-cü il yanvarın 26-da Bakı şəhərində anadan olub. Məktəbi bitirdikdən sonra o, 1947–1951-ci illərdə Asəf Zeynallı adına Bakı musiqi texnikumunda oxuyub, 1952–1958-ci illərdə isə Üzeyir Hacıbəyli adına Azərbaycan Dövlət Konservatoriyasında görkəmli sənətkar Qara Qarayevin sinfində bəstəkarlıq ixtisası üzrə ali musiqi təhsili alıb.

 

Əmək fəaliyyətinə 1958-ci ildən etibarən Azərbaycan Dövlət Radio və Televiziya Verilişləri Komitəsində gənclər xorunun konsertmeysteri kimi başlayan M. Mirzəyev 1978-ci ilədək burada çalışıb, 1978–1979-cu illərdə isə Azərbaycan Dövlət Filarmoniyasında bədii rəhbər vəzifəsini tutub. Sonrakı dövrdə yalnız yaradıcılıqla məşğul olaraq bəstəkarlıq əsərləri meydana gətirən M. Mirzəyev 1992–1993-cü illərdə “Şur” musiqi nəşriyyatında müxtəlif vəzifələrdə işləyib. Yaradıcılığını pedaqoji fəaliyyətlə uğurla əlaqələndirərək o, 1993-cü ildən ömrünün sonunadək çalışdığı Bakı Musiqi Akademiyasında yeni peşəkar musiqiçilər nəslinin formalaşdırılması işinə töhfələr verib.

 

Azərbaycan bəstəkarlıq məktəbinin seçilən nümayəndələrindən biri olaraq M. Mirzəyev yaratdığı rəngarəng əsərləri ilə milli musiqi mədəniyyəti xəzinəsini daha da zənginləşdirib. Azərbaycan musiqisinin bugünkü simasının formalaşmasında öz dəst-xətti ilə tanınan bəstəkarın təqdirəlayiq xidmətləri var. Ayrı-ayrı janrlarda çoxsaylı əsərlər bəstələmiş Musa Mirzəyevin yaradıcılığında xüsusən simfonik və kamera musiqisi janrında yazdığı əsərlər mühüm yer tuturdu. Dərin milli kolorit, nikbinlik ruhu və zəngin dramatizm hər bir əsərinə hədsiz məsuliyyətlə yanaşmış bəstəkarın yaradıcılığını səciyyələndirən başlıca cəhətlərdəndir.

 

Musa Mirzəyevin əsərləri tanınmış musiqi kollektivləri tərəfindən müvəffəqiyyətlə ifa edilərək respublikada və onun hüdudlarından kənarda müəllifinə şöhrət gətirib. Bəstəkarın kamera musiqisindən ibarət müəllif konsertləri sənətsevərlərin rəğbətini qazanıb. M. Mirzəyev bir çox əsərləri simfonik orkestrlə ifa olunmaq üçün yenidən işləmiş və partiturasının hazırlanmasına böyük əmək sərf edib. Onun Azərbaycan və dünya musiqisinə dair məqalələri yetişməkdə olan nəslin estetik zövqünün püxtələşməsinə öz təsirini göstərib.

 

M. Mirzəyevin yaradıcılığı və müasir Azərbaycan mədəniyyəti qarşısında xidmətləri yüksək qiymətləndirilib. Ölkəmizdə musiqi sənətinin inkişafı sahəsində qazandığı nailiyyətlərə görə o, müstəqil Azərbaycan Respublikasının ali mükafatlarından “Şöhrət” və “Şərəf” ordenləri ilə təltif edilib.

 

Tanınmış bəstəkar, təcrübəli pedaqoq və səmimi insan Musa Abdulla oğlu Mirzəyevin xatirəsi onu tanıyanların qəlbində həmişə yaşayacaq. Allah rəhmət eləsin!

 

İlham Əliyev

Artur Rasizadə

Oqtay Əsədov

Ramiz Mehdiyev

Elçin Əfəndiyev

Hacıbala Abutalıbov

Fatma Abdullazadə

Əbülfəs Qarayev

Mikayıl Cabbarov

Arif Məlikov

Firəngiz Əlizadə

Fərhad Bədəlbəyli

Siyavuş Kərimi

Oqtay Zülfüqarov

Tofiq Bakıxanov

Xəyyam Mirzəzadə.

 

# 217
avatar

Oxşar yazılar

Məktəbli qız TikTok-dakı üsulla  özünü öldürmək istədi

Məktəbli qız TikTok-dakı üsulla özünü öldürmək istədi

1 mart 2024 , 15:03
Taksi sürücüsü yatan qadını təcavüzlə oyatdı

Taksi sürücüsü yatan qadını təcavüzlə oyatdı

1 mart 2024 , 14:27
Narkoloji Mərkəzin baş direktoru və müavini HƏBS OLUNDU

Narkoloji Mərkəzin baş direktoru və müavini HƏBS OLUNDU

1 mart 2024 , 14:07
Azərbaycanlı polkovnik  Ukraynada öldü

Azərbaycanlı polkovnik Ukraynada öldü

1 mart 2024 , 14:05
Kənd sakini Yuxarı Şirvan kanalında batdı

Kənd sakini Yuxarı Şirvan kanalında batdı

1 mart 2024 , 13:49
Avtobusda   məktəbli qız zorlandı

Avtobusda məktəbli qız zorlandı

1 mart 2024 , 13:42
Məktəbdə araq içib  zəhərləndilər

Məktəbdə araq içib zəhərləndilər

1 mart 2024 , 12:57
Bakıda silsilə oğurluqlar edən dəstə tutuldu

Bakıda silsilə oğurluqlar edən dəstə tutuldu

1 mart 2024 , 12:39