Avtomobillərdən akkumulyator oğurlayan şəxs yaxalandı

Bakı şəhər sakini Nicat Əmirova məxsus mobil telefonu oğurlayan Maarif Quliyev tutulub.

DİN-in mətbuat xidmətindən Lent.az-a verilən məlumata görə, Yasamal RPİ 29-cu PB əməkdaşlarının həyata keçirdikləri əməliyyat-axtarış tədbirləri nəticəsində yanvarın 26-da mobil telefonu oğurlamış Maarif Quliyev saxlanılıb.

Bundan başqa, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində martın 4-də rayon sakinləri Səddayıl Sadıqova və Eşqin Dünyamalıyevə məxsus avtomobillərdən akkumulyator oğurlamış Gəncə şəhər sakinləri Səbuhi Xuduyev və əvvəllər məhkum olunmuş Elmir Şirinov tutulub.

Həmçinin, Sabunçu RPİ 42-ci PB əməkdaşlarının həyata keçirdikləri əməliyyat-axtarış tədbirləri nəticəsində martın 31-də Bakı şəhər sakini Rahim Sadıqova məxsus evdən qızıl və məişət əşyaları oğurlamış Nardaran qəsəbə sakini Rəhim Cabbarov da saxlanılıb.