Ötən gün Xaçmaz rayonunda peşə məktəbinin qarşısında Xaçmaz rayon sakini, 1994-cü il təvəllüdlü Nəbiyev Polad Rafiq oğlunu qətlə yetirməkdə təqsirləndirilən şəxs saxlanılıb.
Bu barədə APA-ya Xaçmaz rayon Prokurorluğundan məlumat verilib.
Xaçmaz rayon sakini, 1996-cı il təvəllüdlü Əlihəsən İlqar oğlu Fətullayev Xaçmaz Rayon Polis Şöbəsi əməkdaşlarının keçirdikləri əməliyyat axtarış tədbirləri nəticəsində saxlanılaraq istintaqa təhvil verilib.
Hadisənin şəxsi münaqişə zəminində baş verdiyi bildirilir.
Qeyd edək ki, hadisəni törətməkdə təqsirli bilinən şəxs nənəsinin qızıl zinət əşyalarını oğurladığına görə məhkum olunub.
Faktla bağlı Xaçmaz rayon Prokurorluğunda cinayət işi açılıb, araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
