Bakıda faciəvi hadisə: metroda öldü

Bu gün saat 17:00 radələrində metronun “Koroğlu” stansiyasında yaxınlığında bədbəxt hadisə baş verib. Lent.az-ın virtualaz.org-a istinadən məlumatına görə, metrodan çıxan 60-65 yaşlarında kişi eskalatora minməyə hazırlaşarkən qəfildən yerə yıxılıb. Ətrafdakı insanların yardımına baxmayaraq həmin şəxs bir neçə dəqiqə ərzində keçinib.

Hadisə yerində olan şəxslər dərhal polisə və təcili yardıma zəng vurublar: “Təcili yardım maşınının ora gəlib çatması haradasa 15-20 dəqiqə çəkdi. Həkimlər briqadası gələndə kişi artıq ölmüşdü. Təcili yardım həkimləri onun boğulmadan və ya infarktdan öldüyünü güman etdiklərini dedilər. Onların ehtimalına görə, mərhum ya ürək tutmasından vəfat edib, ya da astma xəstəsi olub və boğulmadan keçinib”.

Mərhumun meyiti təcili yardım maşını ilə tibbi ekspertizaya aparılıb.