Keçmiş “NİDA”çılar Heydər Əliyevin məzarını ziyarət ediblər - FOTO

Prezident İlham Əliyevin əfv sərəncamı ilə azadlığa buraxılan “NİDA” Vətəndaş Hərəkatının keçmiş üzvləri - Elsevər Mürsəliyev və Bəxtiyar Quliyev Fəxri Xiyabanda olublar.

APA-nın məlumatına görə, onlar Heydər Əliyevin məzarını ziyarət ediblər.

E. Mürsəliyev və B. Quliyev bildiriblər ki, bundan sonra siyasi fəaliyyətlərini davam etdirməyəcəklər: “Bu humanist addımdır. Prezident İlham Əliyevə təşəkkür edirik”.

Qeyd edək ki, prezident İlham Əliyev oktyabrın 17-də bir qrup məhkumun əfv olunması ilə bağlı sərəncam imzalayıb. Sərəncam ümumilikdə 84 nəfərə şamil edilib. Onların arasında “Nida” Vətəndaş Hərəkatının üzvləri Şahin Novruzlu, Bəxtiyar Quliyev, Elsevər Mürsəlli və hüquq müdafiəçisi Həsən Hüseynli də var.