Heydər Əliyev prospektinin köməkçi yolu bağlanır

Heydər Əliyev prospektinin köməkçi yollarından biri bağlanır. Lent.az Nəqliyyatı İntellektual İdarəetmə Mərkəzinə istinadən xəbər verir ki, aprelin 30-dan mayın 1-nə keçən gecə Heydər Əliyev prospektində köməkçi yolun Heydər Əliyev mərkəzinin qarşısından Böyükşor yol qovşağına (Koroğlu metrosu) qədər olan hissəsində təmir işləri ilə əlaqədar nəqliyyat vasitələrinin hərəkəti tam məhdudlaşdırılacaq. Sürücülərə alternativ olaraq Heydər Əliyev prospekti Əsas yoldan və Babək prospektindən istifadə etmələri tövsiyə olunur.