Goranboy rayonunda xəsarətlə nəticələnən yol-nəqliyyat hadisəsi baş verib.
ONA-nın Mingəçevir bürosunun məlumatına görə, hadisə səhər saatlarında Goranboy - Goran avtomobil yolunda baş verib.
“VAZ-21099” markalı minik maşını qarşıdan gələn markası tam müəyyənləşdirilməmiş digər minik avtomobili ilə toqquşub. Qəza nəticəsində biri yüngül olmaqla, iki nəfər müxtəlif bədən xəsarətləri alıb. Durumu və xəsarəti daha ciddi olan “VAZ”-ın sürücüsü, 1955-ci il təvəllüdlü Goranboy sakini Kamran Vəli oğlu Məmmədov rayon xəstəxanasına yerləşdirilib. Yaralının müalicəsi travmatologiya şöbəsində davam etdirilir.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
