FHN-in təyyarəsi meyitin gətirilməsi üçün Türkmənistana gedib

Xəbər verildiyi kimi, 2 aprel 2016-cı il tarixində Xəzər dənizinin Türkmənistan sektorunda tapılmış meyitin, ilkin olaraq, “Günəşli” yatağındakı 10 saylı dərin dəniz özülündə baş vermiş qəza nəticəsində itkin düşənlərdən birinin olduğu ehtimal edilir. Lent.az Fövqəladə Hallar Nazirliyinin saytına istinadən xəbər verir ki, bununla əlaqədar, meyitin tanınması və Vətənə gətirilməsi üçün bu gün Fövqəladə Hallar Nazirliyinin “BE-200ÇS” amfibiya tipli təyyarəsi istintaq qrupu ilə Türkmənistana yola düşüb.