Əfv sərəncamının icrası başa çatıb - YENİLƏNİB

Azərbaycanda əfv sərəncamının icrası başa çatıb.

APA-nın məlumatına görə, prezident tərəfindən əfv olunmuş şəxslər Penitensiar Xidmətin tabeliyində olan Bakı İstintaq Təcridxanası, 3 saylı İstintaq Təcridxanası, 2, 4, 6, 7, 10, 13, 14 saylı cəzaçəkmə müəssisələrindən azadlığa buraxılıblar.

Qeyd edək ki, prezident İlham Əliyev oktyabrın 17-də bir qrup məhkumun əfv olunması ilə bağlı sərəncam imzalayıb. Sərəncam ümumilikdə 84 nəfərə şamil edilib. Onların arasında “Nida” Vətəndaş Hərəkatının üzvləri Şahin Novruzlu, Bəxtiyar Quliyev, Elsevər Mürsəlli və hüquq müdafiəçisi Həsən Hüseynli də var.

10.04.

Azərbaycanda əfv sərəncamının icrasına başlanıb.

APA-nın məlumatına görə, prezident İlham Əliyev oktyabrın 17-də bir qrup məhkumun əfv olunması ilə bağlı sərəncam verib.

Sərəncam ümumilikdə 84 nəfərə şamil edilib. Onların arasında “Nida” Vətəndaş Hərəkatının üzvləri Şahin Novruzlu, Bəxtiyar Quliyev, Elsevər Mürsəlli və hüquq müdafiəçisi Həsən Hüseynli də var.