Bərdədə sürət can aldı: həmkəndlisini öldürdü

Bərdə rayonunun Yenidaşkənd kəndi ərazisində yol-nəqliyyat hadisəsi ölümlə nəticələnib.

Daxili İşlər Nazirliyindən Lent.az-a daxil olan məlumata görə, mayın 18-də saat 22 radələrində Bərdə rayonunun Yenidaşkənd kəndi ərazisində kənd sakini Rizvan Şairov idarə etdiyi “QAZ-3110” markalı avtomobillə yolu keçən həmkəndlisi Xəlil Məmmədzadəni vurub.

Nəticədə xəstəxanaya yerləşdirilmiş piyada orada ölüb.

Faktla bağlı Bərdə RPŞ tərəfindən araşdırma aparılır.