Bakıda yanan bina söndürüldü - YENİLƏNİB 3

Fövqəladə Hallar Nazirliyi Bakı şəhəri, Yasamal rayonunda baş vermiş yanğının söndürülməsi ilə bağlı məlumat yayıb. Lent.az nazirliyin saytına istinadən xəbər verir ki, taxta konstruksiyadan ibarət, ümumi sahəsi 1200 m² olan ikimərtəbəli kommunal tipli yaşayış binasının 2-ci mərtəbəsində bir neçə vətəndaşa məxsus mənzillər 75 m² sahədə yanıb. Mənzillərin qalan hissəsi və yaxınlıqdakı digər binalar yanğından mühafizə olunub. Yanğın saat 15:44-də yanğınsöndürənlər tərəfindən söndürülüb.

*****

16:18

Bakıda yaşayış binasında baş verən yanğın söndürülüb.

APA-nın hadisə yerində olan əməkdaşının verdiyi məlumata görə, Yasamal rayonu Süleyman Tağızadə küçəsində yerləşən ikimərtəbəli yaşayış binasında qeydə alınan yanğın nəticəsində xəsarət alan olmayıb.

Hazırda yanğının baş vermə səbəbləri araşdırılır.

15:34

Fövqəladə Hallar Nazirliyi paytaxtda baş vermiş yanğınla bağlı məlumat yayıb. Lent.az nazirliyin saytına istinadən xəbər verir ki, Böhran Vəziyyətlərində İdarəetmə Mərkəzinə, Bakı şəhəri, Yasamal rayonunda ikimərtəbəli yaşayış binasında yanğın baş verməsi barədə məlumat daxil olub. Dərhal Nazirliyin Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub.

Yanğının söndürülməsi istiqamətində işlər davam etdirilir.

Əlavə məlumat veriləcək.

15:08

Bakı şəhərinin Yasamal rayonu ərazisində bina yanır. Lent.az xəbər verir ki, Təbriz Xəlilbəyli küçəsində, Mərkəzi Univermağın yaxınlığında yaşayış binasında yanğın başlayıb. Açıq alovla müşahidə edilən yanğın nəticəsində ətrafa qatı tüstü yayılıb.

Hadisə yerinə yanğınsöndürmə briqadaları cəlb edilib.