Bakıda dəhşətli hadisə baş verib. Lent.az-ın virtualaz.org-a istinadən məlumatına görə, Sabunçuda qatar naməlum kişinin üstündən keçib. "Tümen-Bakı" sərnişin qatarı Sabunçu rayonundakı dəmiryolu vağzalının yaxınlığından keçərkən şəxsiyyəti məlum olmayan, təxminən 45-50 yaşlarında olan kişini vurub. Qatar vuran şəxsin meyitini səhər saatlarında hadisə yerindən keçən qəsəbə sakinləri görərək Sabunçu Xətt Polis Şöbəsinə məlumat veriblər. Hadisə şahidlərinin verdiyi məlumata əsasən, meyit parça-parça olduğundan onu heç kim tanıya bilməyib.
Sabuçu Xətt Polis Şöbəsindən də faktı təsdiqləyiblər. Şöbədən bildirilib ki, şəxsiyyəti məlum olmayan şəxsi gecə saat 01:50 radələrində “Tümen-Bakı” sərnişin qatarı vurub.
Hadisə ilə bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
