Bakıda çıxılmaz vəziyyətdə qalan şəxslər xilas edildi

Bu gecə Bakıda liftdə qalan 2 nəfər xilas edilib. Lent.az-ın Fövqəladə Hallar Nazirliyinin saytına istinadən məlumatına görə, “112” qaynar telefon xəttinə Sabunçu rayonunda 2 nəfərin liftdə köməksiz vəziyyətdə qalması barədə müraciət daxil olub. Dərhal hadisə yerinə cəlb olunmuş xilasedicilər liftin qapısını açıb və vətəndaşların liftdən çıxmasına şərait yaradıblar. Əməliyyat saat 02:52-də başa çatıb.