ARDNŞ: İtkin düşən şəxsin meyiti tapılıb
07 noyabr 2014 12:56 (UTC +04:00)

ARDNŞ: İtkin düşən şəxsin meyiti tapılıb

Dövlət Neft Şirkəti dünən neft estekadasında baş vermiş faciə ilə bağlı növbəti məlumat yayıb. Şirkətdən Lent.az-a verilən məlumata görə, “Azneft” İstehsalat Birliyinin N.Nərimanov adına Neft və Qazçıxarma İdarəsinin ərazisində yerləşən 310 və 312 saylı meydançalar arasındakı təqribən 60 metrlik estakadada uçqun baş verib, nəticədə estakadanın üzərindən keçən 250 mm diametlik neft xətti qırılıb. Qəzanın daha böyük miqyas almaması məqsədi ilə NQÇİ-nin ərazidə olan 5 nəfər işçisi 307 saylı meydançaya gedərək təmir işləri aparmış, beləliklə, yanğının və neftin dənizə axma təhlükəsinin qarşısı alınıb.

 

Lakin geri dönərkən onların üzərində olduqları qəzalı meydança da uçub və onlar dənizə düşüblər. Operativ xilasetmə tədbirləri nəticəsində 4 nəfər dənizdən çıxarılıb. Onlardan 1 nəfəri dünyasını dəyişib. İtkin düşmüş 1 nəfərin -NQÇİ-nin təmirçi-çilingəri olan, 1971-ci il təvəllüdlü Yusipov Oqtay Nazim oğlunun axtarışı ARDNŞ-nin və FHN-in dalğıcları tərəfindən davam etdirilib, noyabrın 7-də saat 11.30 radələrində onun cəsədi hadisə yerindən dənizin dibindən tapılaraq sahilə çıxarılıb.

 

# 820

Oxşar yazılar