Ağcabədidə “VAZ”la toqquşan traktorun sürücüsü ağır yaralandı

Ağcabədidə bir nəfərin xəsarət alması ilə nəticələnən yol qəzası baş verib. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Ağcabədi rayonunun Xocavənd kəndində (rayon mərkəzindən 9 km aralı) “VAZ” markalı minik avtomobili ilə traktor toqquşub. Nəticədə traktorun sürücüsü bədən xəsarətləri ilə yanğınsöndürən-xilasedicilər tərəfindən müxtəlif alətlərdən istifadə olunmaqla traktordan çıxarılaraq adiyyatı üzrə təhvil verilib.