Tovuzda VAZ atlını vurdu

Tovuzda avtomobil atlını vurub. APA-nın qərb bürosunun verdiyi məlumata görə, hadisə rayonun Alakol kəndində qeydə alınıb. Kənd sakini, 1992-ci il təvəllüdlü Səfərli Sərxan Vidadi oğlu atla hərəkət edən zaman Sadıqov Etibar Həsən oğlunun idarə etdiyi “VAZ-2107” markalı avtomobillə vurulub. Yaralı dərhal Tovuz Rayon Mərkəzi Xəstəxanasına yerləşdirilib.

Vəziyyətinin orta ağır olduğu bildirilir.

Faktla bağlı Tovuz Rayon Polis Şöbəsində araşdırma aparılır.