<b>Sumqayıtda qətl törədən şəxs tutuldu -<span style="color:red;"> YENİLƏNİB </b>
08 may 2019 14:17 (UTC +04:00)

Sumqayıtda qətl törədən şəxs tutuldu - YENİLƏNİB

Sumqayıtda törədilən qətlin bəzi təfərrüatları məlum olub. 
 
ONA-nın məlumatına görə, qətlə yetirilən 1984-cü il təvəllüdlü Kərimov Emin Vəli oğlu Fövqəladə Hallar Nazirliyinin Sumqayıt Regional Mərkəzinin əməkdaşıdır. Qətli törədən Şəmsəddin İbrahimovla E.Kərimov qonşu olub.
 
Aralarında yaranmış şəxsi mübahisə zəminində Ş.İbrahimov E.Kərimovu işdən çağıraraq küçəyə aparıb. Küçədə Ş.İbrahimov qonşusunu bıçaqlayaraq öldürüb.
 
13:51
 
Sumqayıtda qətl törədən şəxs tutulub.
 
ONA-nın yerli bürosunun məlumatına görə 1984-cü il təvəllüdlü Kərimov Emin Vəli oğlunun bıçaqlanaraq, qətlə yetirilməsi faktı ilə bağlı Sumqayıt şəhər Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
 
Həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində Şəmsəddin İbrahimov şübhəli şəxs qismində saxlanılıb.
 
Hazırda cinayət işi üzrə zəruri istintaq tədbirləri davam etdirilir.
 
12:09
 
Sumqayıtda qətl törədilib.
 
ONA-nın yerli bürosunun verdiyi məlumata görə, şəhər sakini, 1984-cü il təvəllüdlü Kərimov Emin Vəli oğlu bıçaqlanaraq öldürülüb.
 
Qətlin motivi hələlik məlum deyil.
 
Faktla bağlı araşdırma aparılır.
# 1264
avatar

Oxşar yazılar