Oğurluq məqsədi ilə mağazaya soxulmaq istəyən şəxs tutulub. Lent.az xəbər verir ki, mayın 21-nə keçən gecə saat 1.20-də Şəki Rayonlararası Mühafizə Şöbəsinə şəhər ərazisindəki qorunan mağazaların birindən həyəcan siqnalı daxil olub. Dərhal hadisə yerinə - M.Müşfiq küçəsindəki “Uşaq aləmi” mağazasına gələn polis əməkdaşları qapının qıfılını sındıraraq oradan oğurluğa cəhd edən şəxsi cinayət başında yaxalayıblar. Şəki Şəhər Rayon Polis Şöbəsinə təhvil verilən həmin şəxsin Qoxmuq kənd sakini İlkin Məhərrəmli olduğu müəyyən edilib. Şəxsi axtarış zamanı ondan 1 ədəd maska, 2 ədəd şüşəkəsən və 1 ədəd qıfılsındıran alətlər aşkar edilərək götürülüb.
Faktla bağlı ŞRPŞ-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
