Bərdədə intihar hadisəsi baş verib. Lent.az-ın qafqazinfo-ya istinadən verdiyi xəbərə görə, 16 yaşlı Sadiq Arif oğlu Babayev 47 saylı texniki peşə məktəbində həyətində özünü asıb.
Ağdam rayonundan məcburi köçkün S.Babayev və ailəsi 47 saylı texniki peşə məktəbində məskunlaşıb. Hələlik hadisənin səbəbi bilinmir.
Qonşular səhər saatlarında oğlanı ağacdan asılı vəziyyətdə görüblər. Polis hadisə yerində araşdırma aparır.
Faktla bağlı rayon prokurorluğunda cinayət işi başlanılıb.