Bu ilin sentyabrında Ermənistan ordusunun törətdiyi təxribat nəticəsində şəhid olan Səbuhi Əhmədovun qardaşı Sənan Əhmədova qarşı dələduzluq edilib.
Lent.az xəbər verir ki, bu barədə Sənanın dostu Elyar İslamoğlu sosial şəbəkə hesabında məlumat yayıb:
"Uşaq evində böyüyən şəhidimiz Səbuhinin qardaşı Sənana xarici nömrədən zəng edilib. Zəng edən şəxs blogger Hüseyn Həsənovun qohumu olduğunu qeyd edərək Sənandan pul köçürmək üçün hesab nömrəsi istəyib. Sənan hesab nömrəsini deyib. Daha sonra ondan göndərilən kodu deməsi istənilib. Kodu deyən kimi kart hesabındakı pullar çəkilib. Zəng edən şəxs Sənanın şəhid qardaşı olduğunu bilib və Azərbaycan dilində danışıb. Zəng edilən nömrə +7939803-81-83-dür".
Məsələ ilə bağlı Daxili İşlər Nazirliyinin mətbuat xidmətindən Lent.az-a bildirilib ki, baş vermiş hadisə nəzarətə götürülüb və araşdırılır. Nəticəsi ilə bağlı məlumat veriləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
