İstanbul meri Əkrəm İmamoğlunun saxlanması ilə bağlı keçirilən etiraz aksiyaları zamanı 1100 etirazçı saxlanılıb.
Lent.az xəbər verir ki, bu barədə Türkiyənin daxili işlər naziri Əli Yerlikaya X sosial şəbəkəsində məlumat yayıb.
“Saxlanılanlar arasında 12 müxtəlif terror təşkilatı ilə əlaqəsi olan şəxslər müəyyən edilib”, o vurğulayıb.
Daxili İşlər Nazirliyinin məlumatına görə, aksiyalar zamanı 123 polis əməkdaşı xəsarət alıb. Aksiya iştirakçılarından daş, çubuq, alovlu taxtalar, molotov kokteyli, balta və bıçaqların müsadirə edildiyi qeyd edilir.
Qeyd edək ki, İstanbul bələdiyyə sədri Əkrəm İmamoğlu martın 19-da saxlanılıb. O, korrupsiyada ittiham edilib. Bunun fonunda türk lirəsinin məzənnəsi rekord həddə düşüb, əsas sosial şəbəkələr, messencerlər bağlanıb, küçələrdə kütləvi etiraz aksiyaları başlayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
