Bir müddət əvvəl 7 aylıq hamilə qadının ilan sancması səbəbilə Ağstafa rayonundan Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunan pasiyentin körpəsi elə KTM-də dünyaya gəlib.
Lent.az xəbər verir ki, 31 oktyabr tarixində Ağstafa rayonundan KTM-in doğum şöbəsinə gətirilən qadın fəsadlaşmış analıq anamnezi ilə Ginekoloji Patologiya şöbəsinə qəbul olunub.
Daxil olduğu gündən noyabrın 6-sı tarixinə qədər ana müvafiq müayinələrdən keçib və stasionar şəkildə müalicələr alıb.
6 noyabr tarixində ananın və dölün perinatal mühafizəsi məqsədilə tibbi göstərişlərə əsasən hamiləlik keysəriyyə kəsiyi əməliyyatı ilə sonlandırılıb.
Əməliyyat, həkim mama-ginekoloq Nailə Abbaslı tərəfindən uğurla icra olunub.
Çəkisi 3 kq, boyu 51 sm olan uşaq (kişi cinsli) dünyaya gəlib.
Hazırda ananın və körpənin vəziyyəti kafidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
