Vnukovo hava limanından “Moskva-Bakı” reysi ilə hərəkət edən “Azərbaycan Hava Yolları” (AZAL) Qapalı Səhmdar Cəmiyyətinin sərnişin təyyarəsi texniki səbəbdən Moskvanın alternativ hava limanına təcili eniş edib.
Bu barədə “APA-Economics”ə AZAL-ın mətbuat xidmətindən deyiblər.
“Sərnişinlərin Bakıya gətirilməsi üçün Moskvaya təyyarə göndərilib. Təyyarə sərnişinləri səhər saatlarında Bakıya çatdırıb”, - cəmiyyətdən bildiriblər.