9 gün əvvəl anası ilə birgə itkin düşən uşağın meyiti tapıldı

Türkiyədə itkin düşən azyaşlının meyiti tapılıb.

Lent.az yerli mediaya istinadla bildirir ki, Kastamonu rayonunun Bozqurd qəsəbəsində yaşayan 5 yaşlı Osman Halvaçı 43 yaşlı anası Hüriye Halvaçı ilə birgə noyabrın 5-də evdən çıxıblar. Sonradan onlardan xəbər alınmadığı üçün barələrində itkin düşmə kimi axtarış elan olunub.

Uzun axtarışlar zamanı uşağın evdən çıxarkən əynində olan mavi jaket dronlar vasitəsilə qəsəbə ərazisindəki meşədə aşkarlanıb. Orada aparılan axtarışlar nəticəsində isə Osmanın meyiti dərədə tapılıb.

Ana Hüriyə Halvaçının axtarışları isə davam edir.

Faktla bağlı araşdırma aparılır.